Azərbaycan millisinin qapıçısı rəsmən Fransa klubunda
Azərbaycanın 17 yaşadək futbolçulardan ibarət yığma komandasının sabiq qapıçısı Eldar Tağızadə Fransanın «Klermon» klubuna transfer olunub.
18 yaşlı qolkiper yeni komandası ilə 2024-cü ilədək müqavilə imzalayıb.
Tağızadə 1 ilə yaxındı Liqa 2 təmsilçisinin düşərgəsində məşq edirdi. Müqavilə bağlamaqla o, «Klermon»un ikinci və U-19 komandasında forma geyinmə fürsəti qazanıb.
Qeyd edək ki, Eldar Tağızadə Azərbaycanda «Neftçi»nin heyətində AFFA-nın uşaq liqalarında mübarizə aparıb. Qolkiper son olaraq, İspaniyada «Fundacion Marcet» futbol akademiyasında oynayıb.
