“Sabah”da yeni hücumçu
“Sabah” klubu heyətini yeni futbolçuyla gücləndirib.
Bu barədə klubun mətbuat xidməti məlumat yayıb.
Fil Dişi Sahilindən olan hücumçu Tiemoko Fofana bundan sonra “Sabah”ın uğurları üçün çalışacaq. 21 yaşlı futbolçu Finlandiyanın “İlves” klubundan mövsümün sonuna kimi icarəyə götürülüb.
Fofana karyerası ərzində “İlves” dən başqa Danimarkanın “Norşellan” klubunun U-19 komandasında da çıxış edib.
