Türkiyə 4 ölkə ilə aviauçuşları dayandırır
Türkiyə koronavirusun yeni ştammının yayılması ilə bağlı narahatlıqlar üzündən Böyük Britaniya, Danimarka, Niderland və CAR-dan aviareyslərin qəbulunun müvəqqəti dayandırılacağını bəyan edib.
Bu barədə Türkiyənin səhiyyə naziri Fəxrəddin Qoca tvitterdə bildirib.
“Bildirilir ki, Böyük Britaniyada virusun ötürülmə sürəti COVID-19-un mutasiya səbəbindən artıb”, — deyə nazir sosial şəbəkədə yazıb.
“Prezidentimizin direktivlərinə uyğun olaraq və Nəqliyyat və İnfrastruktur Nazirliyimizlə koordinasiya olunmaqla Böyük Britaniya, Danimarka, Niderland və Cənubi Afrikadan ölkəmizə uçuşların qəbulunun müvəqqəti dayandırılması barədə qərar qəbul edilib”, — deyə Qoca əlavə edib.
